हु आर इउ

हु आर इउ? माने: नोँ माबोरै दं? खुथर माहाजोननि थोरसि मानजिग्रा, जांगोन सुनानै होग्रा, मोदोम फुनानै होग्रानि मुंआ थौलि गयारि। दाखालि बैसागुनि सिगां खुथर माहाजोननि न' लुनाय सावरियाव जौ फेनानै गाला बाब्राब मिथिँगा बिफाया फोरोँलांदोँमोन। "हु आर इउ? होननाया नोँ माबोरै दं होननाय जायो" होननानै। मान्दालिफारायाव इंराजि गोरोँ होनबा मिथिँगा बिफायाल'। इंराजिखौबो जानला मोनला रायज्लाया। दाम दंसो गारो। नाथाय जौ फेबाथाय इंराजियाबो दाम थालिया। मान्दालिफारानि मानसिफोरा गाला बाब्राबा जौ फेबाथाय जोबोद मोजां मोनो। बिनि इंराजि रायनायखौ खोनासंनो खहाबसो गारोनो। थेम थाम फाथो सिनजा सिफायनायबादि खोनासंनो मोजां मोनसोगारो। "हु आर इउ?" बे फंसे बाथ्राखौल' गोसोआव लानो हादोँ थौलि गयारिया। बेखायनो दासान्दि जानायबो जायैबो लोगोफोरनो कल खालामो आरो बुंहरो- "हु आर इउ फाग्लि? हु आर इउ?" लोगोफोरा सोँहरफिनो- "फाग्लि मा होननाय जाखो बुजिथाराहाय आं। इंराजि होनबाथाय जेबो बुजिथारा आं!" थौलि गयारिया दुगायै बुंहरफिनो- "नोँ माबोरै दं होनदोँबाल फाग्लि।"