सोरजिमाला जोनोमनि
गुदियाव।

गोसोथोनायखौ लानानै 23, 24
अक्टबर 2015 आव खन्थाइ
लिरनायनि बादिलायनाय
जादोँमोन "मोखां
लाइसि"आव।

मोखां लाइसिनि
"नोँथांनि सनालु
खन्थाइ" फुंनि
ग्रुपआव।

बेनि सानखांगिरिया आदा
काइलास बड' दुखुथिया।

बादिलायनाय खन्थाइनि
रिजाल्टखौ राखाव
बसुमतारी सारआनो बिबान
लादोँ (अदेबानि सारनो
होनाय जादोँमोन)।

गोसोथोनाय खन्थाइ
बादिलायनाय बेयाव गासै
बाहागो लादोँमोन सा
ब्रैजि सोनिबो बांसिन
खन्थाइगिरिफोरा।

23 अक्टनिफ्राइ
जागायनाय बे खन्थाइ
बादिलायनायनि
रिजाल्टखौ फोसावना
होनाय जादोँमोन 24 अक्ट
मोनानि 9 रिँगायाव।

देरहासार जानाय
खन्थाइगिरिफोरा
जादोँमोन-

सेथि-
काइलास बड' दुखुथिया
बिनि खन्थाइनि मुंङा
"गोमानाय अन्नाय"

नैथि-
पुर्ण ब्रह्म
आं नोँखौ मोजां मोनो

फिरुस कान्त बसुमतारु
रोमोनाय बिलाइ

थामथि-
रन्जय ब्रह्म
जाहिर

प्रदीप सरगियारि
महर गैयै नोँनि महर

जानो हागौ गोबां बेफोर
बादिलायनायनि
खन्थाइफोरखौ नायनानै
बर' थुनलाइआव एसेब्लाबो
लांदां जायगा सुफुंगोन
सान्नानै राखाव
बसुमतारी सारनियाव
मोनसे सानखांनाय
फैदोँमोन।

बेबादिनो अखा नायै सारआ
मोखां लाइसि
खन्थाइगिरिफोरनि
बेफोर खन्थाइखौ बिजाब
दिहुन्नायनि बाथ्रा
रायखांजेन्नायानोसै।

सारनि बेफोर गोथार
मोन्दांथि फोरमायथिखौ
गोबां जोँ लोगोफोरा मदद
होदोँमोन आरो
जाफुंहोथार नांगौनि
मिजिँजोँ बायदि बुरुस
मोन्दांथिखौ गुसुं
गुसुं
बेखेवथिलायदोँमोन।

बेबादिनो उनथाराव
सान्नाय लेखानो
साफायाव जौथाम रां
हिसाबै खेन्दा खांनानै
गमामायै "सोरजिमाला"
खन्थाइ लाइसिया मोकथां
महरै देलाइस्रि
नुजामारनायसै।

सोरजिमालाखौ बावैसो
"बायदि देँखो बायदि गाब"
खन्थाइ बिजाबनि थाखाय
साहित्य एकाडे बान्था
मोन्नाय बर'नि गेदेमा
लिरगिरि ब्रजेन्द्र
कुमार ब्रह्मनो
कक्राझार कमार्ष
कलेजआव (21 डिसेम्बर,2015)
जानाय बर'नि फिसा अ' आयेन
खौ लानानै बर' बिजाबनि
जौसे बोसोर फालिथाइआव
बेखेवनाय जादोँमोन।

"सोरजिमालाआव फंनैसोआव"
बुथुमग्रा आरो
सुजुग्रा राखाव
बसुमतारीया बुंदोँ-

"सोरजिमालाखौ खन्थाइ
बिजाबनि मुं खामायनो,
रांखामायनो थाखाय
सोरजियाखै- सोरजिदोँ
जोँनि Poetic genius खौ
खालामनायनि थांखिजोँ।"

बर' खन्थाइगिरि मोखां
लाइसि आफादआ फोसावनाय
आरो लिजेण्ड अबसेट आ
सेबखांनाय बर' खन्थाइ
लाइसि सोरजिमालाखौ
बावनाय जादोँ मुंदांखा
थुनलाइगिरि गेदेमा
"मन'रन्जन लाहारि" नो।