बेयाव आं गसंदोँ, by Ronjoy Brahma Subscribe to rss feed for Ronjoy Brahma

बेयाव आं गसंदोँ
      जेराव साननि सोराङा
गोग्लैदोँ,

आं नायहरदोँ खोमसि
फारसे-
         जेराव जेब्लाबो
रंजानाय खोमसि खोमसि

आरो जेब्लाबो-
     गाबनाय दाहा
दिखाराव।

आं मुगैदोँ जाय
खोमसिखौ
      बेयो दाबो सोरां
नाङाखै,

गोग्लैसोनाय उल्टा
फैसालियाव
     गेलेदोँ दाबो बैयाव-

दिनै आंनो गोनां जादोँ
     गोजोँ आयना, गोगो
आयना;

सोरां जोँमानि घोरोम
अनसायनाय
               रिफिनाय सारहरनो
खोमसियाव।

         फैगोन फैगोन
बिसोरो-
थारैनो फैथारगोन

सोरांखौ, सोरांआव आंखौ
नुहरब्ला।

फै फै मेथाइ रोजाबनानै
      आं लेंहरो बिसोरखौ-

बेयाव आं गसंदोँ
         जेराव साननि सोरां
दं।

              ॰ ॰ ॰ ॰  
Posted: 2015-01-19 13:20:40 UTC

This poem has no votes yet. To vote, you must be logged in.
To leave comments, you must be logged in.